Üsi Guggenmusig isch im Johr 2000 gegründet worde und isch sit denn ein feste Bestandteil vo de Fasnachtskultur in Langethau.
De Name "haub-haub" isch usere kreative Idee entstande, die ufd Herusforderige vo de Uuftritte ii Beize zrüggzführen si. Da d'Platzverhältniss i viele Beize für die grosse Guggenmusike oft nid g'eignet si, isch d'Überlegig agstöut worde, dass sich üse Gugge i zwöi Gruppe ufteile chönnte. (Äbe haub-haub) So wärs möglich gsi, in den änge Rümlichkeite ufzträtte ond trotzdem chönne Musig mache.
Johr für Johr hei sech meh Mitglieder üs agschlosse und metem lauf vo de Ziit hed sech usegstöut, dass au bi haub-haub s'Maximum a Lüüt i de Beize erreicht wurde isch. Demzufolg hätte mir eus fasch müesse drittle...
Die Grundidee vo de Gugge heimer denn chli ufd Siite do, au met de Hoffnig, dass mer immer gnüegend Mitglieder si.
Trotz aune Herusforderige, us eine vo de chlinnere Guggemusige in Langethau, hei mer eus im lauf vo de Johre chönne etabliere. Üsi Gugge esch bekannt für ihri tolle Kostüm und de metriissende musikalische Stück, wo villich ned bi aune Guggene gspielt wärde. :-)
Üsi Gugge blibt e lebändige Teil vo de Langethaler Fasnachtskultur und setzt sich wiiterhin aktiv für de Erhalt und Pfleg vom musikalische Teil vo de Fasnacht iih.